David Alaba pritet të largohet në fund të sezonit nga Bayern Munichu, ndërsa nuk mungojnë klubet e interesuara për shërbimet e tij.

Mbrojtësi i Bayern Munichut ka refuzuar deri më tani të nënshkruaj një kontratë të re të përmirësuar me Bavarezët.

Drejtuesit e klubit kanë deklaruar tashmë se nuk do t’i ofrojnë më oferta përfaqësuesve të Alabas pasi ka kaluar afati i ultimatumit për t’i pranuar ato.

Kështu, Alaba pritet të largohet nga Bayerni në fund të sezonit ose edhe gjatë afatit të janarit nëse klubet e interesuara duan të paguajnë për të.

Alaba kërkohet nga disa gjigantë evropianë, ku ditëve të fundit u përfol për Interin dhe Juventusin që e duan si lojtar të lirë në verë.

Sipas gazetës AS, tani në garë janë futur edhe anglezët e Liverpoolit dhe Manchester Cityt.

Edhe Juventus, Paris Saint-Germain, Barcelona dhe Real Madrid janë të interesuar në transferimin e 28-vjeçarit të gjithanshëm. /Telegrafi/